Back

ⓘ Kairo ni mji mkuu wa Misri na mji mkubwa wa nchi zote za Kiarabu, pia moja kati ya majiji makubwa duniani. Kairo yenyewe inakadiriwa kuwa na wakazi 10.230.350, ..




Kairo
                                     

ⓘ Kairo

Kairo ni mji mkuu wa Misri na mji mkubwa wa nchi zote za Kiarabu, pia moja kati ya majiji makubwa duniani.

Kairo yenyewe inakadiriwa kuwa na wakazi 10.230.350, kanda ya jiji pamoja na mitaa ya nje na mapembizo ni 15.628.325.

                                     

1. Jiografia

Kairo iko kwenye sehemu ya kaskazini ya Misri, takriban kilomita 160 kusini kwa pwani ya bahari ya Mediteranea. Mji ulikua kando ya mto Nile, mahali ambako unatoka katika bonde unamovuka jangwa na kujigawa kuwa na delta pana hadi baharini.

Jinsi ilivyo kwenye majiji mengi makubwa, wenyeji hutofautisha kati ya mji asilia wenyewe na jiji kubwa kwa jumla. Mji wa Kairo wenyewe una eneo la km2 453 tu, uko upande wa mashariki wa mto pamoja na visiwa viwili ndani ya mto; jiji pamoja na vitongoji limepanuka pande zote mbili kuelekea ndani ya jangwa.

Katika karne ya 19 mto Nile ulibanwa na handaki na mifereji. Hadi wakati ule mifuriko na mabadiliko kwenye mwendo wake walitokea mara kwa mara. Historia hii ya mabadilko ya mwendo wa mto ni sababu ya kwamba mitaa mipya ya mji iko karibu na mto wenyewe mahali ambako zamani wangeogopa kujenga, ni mitaa ya Garden City, Kairo mjini na Zamalek.

Kusini mwa Kairo ya leo kuna Kairo ya Kale penye mabaki ya miji iliyotangulia hapa kama vile Babyloni ya Misri enzi ya Bizanti, kabla ya uvamizi wa Waarabu Waislamu na Fustat mji mkuu wa kwanza wa Kiislamu nchini Misri.

Sehemu za Bulaq ziko leo upande wa kaskazini ya mji wenyewe zilianzishwa kama eneo la bandari ya mtoni mnamo karne ya 16. Boma la Kairo ar. qale salah ad din inaonyesha mahali ambako mji wa Kairo ulianzishwa na Wafatimi. Upande wa magharibi wa mji wa Kairo uliathiriwa na mpangilio wa jiji wa kimagharibi ukiwa na barabara pana, nyanja mbalimbali na nyumba za kisasa. Upande wa mashariki una zaidi mitaa midogomidogo, nyumba za kienyeji na kujaa watu wengi mno.

                                     

1.1. Jiografia Tabianchi ya Kairo

Kairo iko katika kanda yenye tabianchi ya nusutropiki. Tabianchi kwa jumla ni yabisi. Hata hivyo wakati mwingine hewa yenye unyevu inaweza kufika kwa sababu bahari iko karibu. Halijoto ya wastani mwakani ni sentigredi 21.7. Kiwango cha mvua ni milimita 24.7 pekee. Mwezi wenye joto zaidi ni Julai mwenye wastani wa sentigredi 28, na mwezi baridi ni Januari yenye wastani wa sentigredi 13.9.

Usimbishaji ni mdogo; wastani wa mwaka ni milimita 24.7 pekee unaotiririka katika miezi wa Novemba hadi Machi pekee.

Wakati wa Disemba 2013 Kairo iliona theluji mara ya kwanza baada ya miaka mingi sana.

                                     

2. Kanda ya Jiji

Kanda ya Jiji inajumlisha Kairo pamoja na miji jirani, vitongoji na mapembizo. Idadi ya wakazi kwa jumla iko kati ya milioni 15 hadi 16. Kiutawala kanda ya jiji inajumlisha mkoa wa Kairo na sehemu ya mikoa miwili yaani Giza na Qalyubia.

Miji ya pekee muhimu zaidi katika kanda hii ni

  • Mji wa 6 Oktoba
  • Giza
  • Heliopolis Mpya
  • Kairo
  • Shubra El-Kheima
  • Mji wa Basus
  • Mji wa Badr
  • Helwan, pamoja Mji wa 15 Mei
  • Kairo mpya

Kuna mipango ya kujenga jiji jipya upande wa mashariki wa Kairo litakalokuwa mji mkuu mpya wa Misri.

                                     

2.1. Kanda ya Jiji Usafiri

Usafiri ndani ya Kairo na kanda ya jiji huenda kwa kutumia barabara, njia za reli, reli ya chini ya ardhi inayoitwa "metro" na feri kwenye mto. Kuna magari mengi ya binafsi, teksi na mabasi ambayo ni ya umma au ya binafsi. Njia nyingi za mabasi na reli ya metro zinakutana kwenye Midan Ramses Usafiri ndani ya Kairo ni mashuhuri kwa ugumu wake kutokana na wingi wa watu na magari.

Metro ya Kairo "مترو" ni jina la reli ya chini ya ardhi. Ni usafiri wa haraka pale njia zake zinapofika. Mabehewa yake yanaweza kujaa mno wakati wa saa za kwenda kazini na kurudi. Kila treni ya metro huwa na magari wawili yaliyotengwa kwa ajili ya wanawake pekee, ni gari la nne na la tano, lakini hata hivyo wakinamama wako huru kupanda kila behewa wanapotaka. Metro hii ina njia tatu zenye urefu wa kilomita 77.9 na kuna vituo 61 zinazohudumiwa.

Kuna tramu katika sehemu za Heliopolis na mji wa Nasr lakini ile katika Kairo mjini ilifungwa miaka mingi iliyopita.

Kuna mtandao mkubwa wa barabara kati ya Kairo mjii, sehemu nyngine za kanda ya jiji na miji ya nje. Kuna barabara ya duara inayopita nje ya jiji. Madaraja mengi yanalenga kurahisisha mwendo ndani ya jiji ingawa kwenye saa za msongamano watu hukaa sana kwenye foleni za magari.



                                     

3. Dini

Zamani Kairo ilikuwa mji wenye wakazi wengi wa tamaduni na dini mbalimbali; hadi leo nyumba zao za ibada ni kama kumbukubu ya historia hiyo. Maelfu ya Wagiriki wa Misri waliondoka nchini baada ya mapinduzi ya mwaka 1952. Wayahudi pia walianza kuona ubaguzi mkali na madhulumu tangu vita ya Israeli na Waarabu wa 1948 wakaondoka. Leo hii kuna Wayahudi chini ya 100 waliobaki Misri baada ya historia ya miaka 2.500.

Siku hizi wakazi walio wengi ni Waislamu Wasunni takriban 90%. Wengine ni hasa Wakristo Wakopti.

Upande wa Uislamu kuna misikiti mingi na idadi yake inaendelea kuongezeka. Chuo Kikuu cha Al-Azhar kinapatikana mjini tangu mwaka 969: ni taasisi ambayo utalaamu wake unaheshimiwa na kuangaliwa kati wa Wasunni wengi duniani.

Upande wa Wakopti kiongozi wao Papa Pope Tawadros II anakaa Kairo. Kanisa la Mtakatifu Marko mjini Kairo ni kanisa kubwa la pili kwenye bara la Afrika.

Masingagogi ya Kiyahudi yanaweza kutembelewa na watalii lakini hakuna tena ibada ya kawaida kutokana na idadi ndogo ya Wayahudi waliobaki.

Vurugu za kisiasa za miaka iliyopita ilileta pia magongano kati ya wafuasi wa dini, hasa kati ya Waislamu wenye itikadi kali na Wakristo.

                                     

4. Tazama pia

  • Orodha ya miji ya Misri
  • Piramidi za Giza ziko karibu na Kairo

Mji mingine mikubwa ya Afrika

  • Cairo, Misri - milioni 5.1
  • Kinshasa, Jamhuri ya Kidemokrasia ya Kongo - milioni 4.9
  • Lagos, Nigeria - milioni 8
                                     
  • mikubwa zaidi ya Afrika inawezekana kwamba idadi ya watu imeshapita ya Kairo hivyo kuwa jiji lenye watu wengi barani Afrika. Lagos ilianzishwa kama
  • Leila Ahmed kwa Kiarabu لیلى أحمد  alizaliwa mjini Kairo mwaka 1940 ni mtaalamu wa utafiti wa hali ya wanawake katika dini kutoka Misri aliyehamia
  • na wakazi 565, 716. Suez iko takriban kilomita 135 upande wa mashariki ya Kairo kwenye shingo ya nchi ambako umbali na Bahari ya Mediteranea haifikii kilomita
  • Emmanuelle. Meine Freundin und Mutter. Unser Leben für die Müllsammler von Kairo Tyrolia - Verlag, Innsbruck 2013, S. 23 ff., 213. The Official website of
  • barabara inayopita kijijini ikiunganisha Iringa na Dodoma, hivyo pia Cape Town na Kairo imetiwa lami. Sensa ya 2012, Iringa Region - Iringa District Council
  • 1911 katika familia ya wastani ya Waislamu kwenye eneo la Gamaliya mjini Kairo Wazazi walimpa jina kulingana na profesa Naguib Pasha Mahfouz 1882 1974
  • nchi za Afrika. Mawaziri hao walikutana mara ya kwanza mwaka 1985 mjini Kairo Misri. Baadaye mkutano ulianzishwa kama taasisi ya kudumu mwenye shabaha
  • ac.za Tovuti rasmi Bustani ya Wanyama Pretoria Bustani ya wanyama Giza Kairo - Misri Association of Zoos and Aquariums AZA North American Association

Users also searched:

...
...
...